Ինչ-որ պահի Դուք Ձեր Wi-Fi-ին, Bluetooth-ին (կամ երկուսին էլ) անուն եք դրել, գամ գուցե անունն ավտոմատ կերպով է գերներացվել կարգավորումների ժամանակ: Դա նշանակում է, որ Wi-Fi-ի ցանցի սեփականատիրոջ մոտ Դուք երևում եք որպես “Alex Chung’s Phone” (Ալեքս Չանգի հեռախոս), կամ եթե Ձեր Bluetooth-ը միացված է, այդ անունով տեսանելի եք լինում բոլոր նրանց, ովքեր նույնպես այդ պահին միացրել են իրենց Bluetooth-ը:

Երբ մտնում եք ռեստորան, սրճարան կամ օդանավակայան, Ձեր անունը չեք հայտարարում, չէ՞: Ուրեմն ինչու՞ պետք է հեռախոսի անունը հայտարարեք:

Դուք կարող եք փոխել Ձեր հեռախոսի անունը, այնպես, որ այն ուղղակիորեն Ձեզ չմատնանշի, բայց Ձերը լինի:

Ինչպես դա անել.

Android:

• Փոխել Wi-Fi-ի անունը
  • Կարգավորումներ →
  • Wi-Fi →
  • Մենյու →
  • Ընդլայնված կարգավորումներ / Լրացուցիչ →
  • Wi-Fi ուղիղ →
  • Վերանվանել սարքը
• Փոխել Bluetooth-ի անունը.
  • Կարգավորումներ →
  • Bluetooth →
  • Միացնել Bluetooth-ը, եթե այն անջատված է →
  • Մենյու →
  • Վերանվանել սարքը →
  • Միացրեք Bluetooth-ը

iPhone:

• Փոխել հեռախոսի անունը.
  • Կարգավորումներ →
  • Հիմնական →
  • Այս սարքի մասին →
  • Անուն

Եթե Ձեզ թվում է, որ Ձեր տեղաշարժի մասին տվյալները պարզապես տեղեկատվության խառը կտորներ են, համակցության մեջ դրանք կարող են կարևոր տեղեկություն բացահայտել Ձեր և Ձեր սովորույթների մասին, օրինակ՝ որտեղ եք ապրում, աշխատում և որտեղ եք սիրում ժամանակ անցկացնել ընկերների հետ:

Բազմաթիվ ընկերությունների և դատա-բրոկերների համար դա մեծ պահանջարկ ունեցող տեղեկություն է:

Դրա համար անցեք Ձեր հավելածների թույլտվությունների վրայով և անջատեք գտնվելու վայրի ծառայությունները: Գտեք այն հավելվածները, որոնց համար այդ ծառայությունը պարտադիր չէ (իսկապե՞ս կարևոր է, որ այդ խաղն իմանա Ձեր գտնվելու վայրը) և նրանք, որոնք Դուք չեք ցանկանում, որ ունենան այդ տվյալը:

Android:

• Կարգավորումներ →
• Հավելվածներ →
• Գտնվելու վայր

iPhone:

• Կարգավորումներ →
• Գաղտնիություն →
• Գեոլոկացիայի ծառայություններ →
• Յուրքանչյուր հավելվածի գտնվելու վայրի կառավարում

Ձեր սոցմեդիա հավելվածները, խաղերը և եղանակի տեսության հավելվածները հետաքրքրված են Ձեր տվյալներով... և գուցե արդեն հավաքել են դրանք:

Ձեր հեռախոսում այսպիսի պատահական հավելվածներից հրաժարվելը, որոնք անգամ չեք էլ օգտագործում, կարող է հզոր միջոց լինել Ձեր թվային հետքերը վերացնելու գործում:

Բացի այդ, դրա արդյունքում Դուք կարող եք տեղ ազատել Ձեր հեռախոսում և երկարաձգեք մարտկոցի կյանքը:

Android:

• Կարգավորումներ →
• Հավելվածներ →
• Ընտրեք այն հավելվածը, որից ուզում եք ազատվել →
• Հեռացնել

iPhone:

• Սեղմեք և սեղմած պահեք տվյալ հավելվածը, մինչև որ բոլոր հավելվածները կսկսեն թրթռալ և նրանց բոլորի վերևի ձախ անկյունում կերևա փոքրիկ խաչ:
• Հավելվածը հեռացնելու համար սեղմեք տվյալ հավելվածի վրայի խաչը:
• Հետո կարող եք վերադառնալ նախկին վիճակին:

Ձեր հեռախոսի բրաուզերը պահպանում է հսկայական քանակությամբ տեղեկատվություն՝ Ձեր գտնվելու վայրը, ինչ որոնում եք կատարել, ինչ կայքերից եք օգտվում, և կարող է «բաց թողնել» այդ տեղեկատվությունը: Դուք կարող եք որոշակի վերահսկողություն հաստատել այդ տեղեկատվության նկատմամբ՝ կատարելով մի քանի փոփոխություններ:

Հեռախոսներում, թաբլեթներում և համակարգիչներում սովորաբար տեղադրված են լինում բրաուզերներ, որոնց համար Ձեր գաղտնիությունը առաջնահերթություն չէ: Փոխարենը, Դուք կարող եք ներբեռնել և օգտագործել բրաուզերներ, որոնք Ձեր ցանցային գործունեությունը առավել գաղտնի են պահում և կարող են հեռու պահել Ձեզ թրեքերներից:

«Լրտեսությունից» զերծ մնալու համար Դուք կարղ եք ավելացնել որոշ անվտանգության ուժեղացման ֆունկցիաներ՝ add-on-ներ կամ extension-ներ, (գոյություն ունեն հեշտությամբ ներբեռնվող մինի-ծրագրեր Ձեր բրաուզերների համար, որոնք կարող են Ձեր առցանց գործունեությունն ավելի գաղտնի դարձնել):

• Լրտեսական գովազդներն ու անտեսանելի թրեքերներն արգելափակելու համար ներբեռնեք uBlock Origin (Chrome-ի, Safari-ի, Firefox-ի համար) կամ Privacy Badger (Chrome-ի, Firefox-ի և Opera-ի համար):

• Որպեսզի համոզվեք, որ Ձեր կապերը կայքերում հնարավորինս անվտանգ են, ներբեռնեք HTTPS Everywhere: դա բրաուզերի extension է, որպեսզի Ձեր հաղորդակցությունը բազմաթիվ խոշոր կայքերի հետ գաղտնագրվի և պաշտպանված լինի: Եթե Դուք Safari-ի օգտատեր եք և ցանկանում եք օգտվել սրանից, Ձեր հիմնական որոնման համակարգ դարձրեք ոչ-Google պրոդուկտ, օրինակ DuckDuckGo, որն ավտոմատ կերպով Ձեզ կուղղորդի դեպի գաղտնագրված կապեր:

Նախկինում երբևէ նպաստե՞լ եք Ձեր ընկերների տվյաների ավելացմանը՝ նրանց պիտակելով նկարներում և հրապարակումներում:

Թեթևացրեք նրանց տվյալների ծանրաբեռնվածությունը հնարավորինս բոլոր նկարների և հրապարակումների վրայից՝ հանելով նրանց թեգերը:

Փոխանակվե՛ք. Խրախուսեք Ձեր ընկերներին, ընտանիքի անդամներին և գործընկերներին միանալ Ձեզ՝ վերահսկելու «ազատ» տեղեկատվությունը: Եթե մենք բոլորս միասին աշխատենք մեր տվյալների հետքերը վերահսկելու ուղղությամբ՝ ավելի լավ արդյունքի կարող ենք հասնել: